George Lian

Tweet

George Lian - Noromuk lugu piginawaan

Bolobou kosuwabon natalup nodi
soira notitihan dilo tadau
miagal nogi ti tupus ku diah
tumalup soira nababang do pitagadan

Umbalan kud mongulud dii nohukot noh
rumaag nogi kouhub piupusan toh
baino misonong suab mitogod kito
noromuk nodi lugu piginawaan toh

Babang do piupusan toh natagak nodi
tumagak nodi kotumbayaan ku diah
poingkuro po mongundar dii nohukot noh
nung nokologos mantad di pogulu

Alansan oku po daa mantad do diah
romito po boros ku dii tohuri
umbalan nu daa do mamarati
sundung tu aiso nodi pirotian toh...

George Lian - Ii minan moi tomu

bainoh tomu hilo’d tenghilan
marau arau nodi ii minan
balatak om nogi solipar
posodia no’d poingandad

soira nopo di do mamanau
au olihuan ot tingaton
kokori do id tindalanon
lugus sigup nogi om daing

ii minan nopo moi tomu
warung mee su au otoliban
oboli nopo bolion
haro po umbayaan

koruba nopo’d kawan lama
ogumu po dii oh sorita
nontok po’d sombutul taragang
muli nondo nga miling siling

George Lian - Koupusan di otopot

iya nodi sorohon ku
ii pointanom id ginawo ku
au nodi milo do olihuan

mantad noko pintutunan toh
nokogirot piginawaan toh
au nodi milo do opupusan

iri nodi pokionuon ku diya
kada oku diya sindualai
aiso suai koupusan ku di otopot
suai ko mantad diya

baino hiti ko id doho
asanang nodi ginawo ku
au nodi mogidu do id doho

George Lian - Romou pointuru

kada oku nodi diya sindualai
kakal oku pod oupus diya
baino tuminongkiad ko di mantad doi doho
om asanang nodi ginawo nuh

au di nangku osorou ii janji nu
ii nakatahak nu ngawi do’i doho
aiso di guno mupus tondu do miagal diya
araat suang ginawo nuh

oruol iti ginawo ku
soira oku mintong intong diya
romou pinoturu
soira koruba diya
oruol iti ginawo ku hu.. Hu..

Baino nokopitongkiad kito nodi
aharap oku ngawi ii diya
pogulion ngawi kasanangan ku di pogulu
ii maso kito do miginawo…