Benn S. Bukag

Tweet

Benn S. Bukag - Langad di anak

Tadau konihab kadau
Korikot yau..
Indad indadon ku di auh poh nokorikot
Ilo nopo gia parai no'onsok nodi
Ilo nopo gia tanak nakagayo nodi

c/o : Auh koh di nangku
Sikito di anak
Mantad tokoro auh poh nokotutun

Auh koh di nangku
Sikito di anak
Auh koh nangku
Osianan dahai..
Iya noda..
Doh harapon dahai....

Muli guli poh daa
Toruhai nopo..
Pogidu poh daa dilo
Langad di anak
Sontob tadau di anak
Mogihum diya
Mulong kisawo konoh..
Om haro tanak....


Loyuk : Rozy Bukag
Roiton : Rose Mojungkin

Benn S. Bukag - Boronsikokon Sunduanku kumaus

Rombituon..
Songkilou kiloy .. monitiu tuongku
Auh asagaan iti langadku.. hmmmm..
Kohondom di naantakan
Di pogulu....

Tuong diti..
Kologos oku.. Doh tinongkiadan nu
Notu'uh noh ti
Romou ku tumuru hmmmmmm.
Auh koh insan manahak kalansanan..

c/o : Tongus tumalib
Auh ku kopuriman..
Rasam sumapou
Auh ku olungungan..
Linasu dilo tadau.. Auh oku purimonon
Ginawo ku tumongob Auh uhoton...

(solo, ulang c/o)

Pologoson..
Ginawoku oinggorit tinongkiadan
Simboyonoku.. Sumunsui ralanku hmmm
Boronsikokon sunduanku kumaus... (2x)


Loyuk : Benn S. Bukag
Roiton : Simon Bukag

Benn S. Bukag - Silik silikan matonu

Silik silikan matonu
Miagal tulan di tanawau
Tirak tirak nu di tolumis
Kagayat ti ginawoku..
Iri poh daa kouhangan ku...
Iti suang ginawoku

Asanangan daa mintutun diya
Nung aiso suai sanganu nu
Porotio oku poh daa
Nunu suang ginawo nu
Kada poh daa di kasalu
Di haro noh oh sanganu...

c/o : Oruol ti ginawoku
Doh nasanganu konoh
Suai tulun..
Kuroyon poh okon koh nasib ku
Nasanganu diya...


Loyuk om Roiton : Benn S. Bukag

Benn S. Bukag - Binsorou mamatos kolungguian

Osogit oh minsusuab
Lumiga oku ninigawon
Magandad korikatan nu di amu poh noila'an

Andadonku kasasari
Kalu nopo koulai koh
Iti noh oh binsorou ku
Ie mamatos doh kolungguian..

c/o : Pagandadan di poingharo
Iti kolunggui Pomusarahan
Magandad nu Ta' korikot
Koinggolou pomurimanan

Koinsasalaan ie ginawoku
Gumompi doh pomusarahan
Oimuri oinggorit kasasari
(ulang c/o)

Aiso nopo kosisiwo
Toririmo id kolungguian....



Loyuk : Benn S. Bukag
Roiton : Justin Yalam

Benn S. Bukag - Rati piupusanTadau minggu gumanti tulan
Toun piupusan toh
Om ginawoku auh kotingkod
kakal poinglangad diya

Rasam ribut luyud tagayo
Abpang ralan toh ngoduo
Nga ginawo nakagasan togirot
Auh nodi milo'd uiyadon....

c/o : Gompion toh noh koupusan
iti piginawaan toh
Maya ralan.. haro piuludan
Kagasan ti ginawo
Haro komoi di tagayo
Iti ralan piupusan
Gisom sogigisom....

Konihab di nakatalib
Kada tokou lihuai
Baino ie nopupusan
Kada tokou tolikudai

Ralan piupusan di Takawas
Okon koh koinggoritan
Kobolingkangan tokoro
Iti batos piginawaan....

(ulang c/o)

Nung haro Tuhot i'd ginawo nu
Poboroso doho kada noh opio..
(Ulang Rangkap 1)


Loyuk om Roiton : Benn S. Bukag

Benn S. Bukag - Langad auh kopiiso

Tumingkod oku daa
Momuhondom diya
Nga oruol ti ginawo auh
Popologos...

Tu langad ku auh insan koidu
Doh sikito diya
Poingkuro oku nung aiso
Id doros nu...

Siigit ku daa
Ino turosnu
Nga asawat ti longon
Auh korikot.... ino poh
Tungkap nu di laid
Piigit kasari ku..
Auh ku nosindualan
Nung auh koh tumongkiad

c/o : Tulan pia au tumitiu
Tadau auh ku olosuan
Tumonfgus pia auh ku osogitan
Batos nu kumaa doho
Opion ku kasasari
Nga tundu unduku
Asaru nawagatan....


Loyuk om Roiton : Benn S. Bukag

Benn S. Bukag - R'N'R Karamaian

Aramai tomod ti ginawoku
Doh norikatan ngawi tompinai
Nokorikot doh magaramai
Papasanang iti ginawoku
Kosumandakan om tanak wagu
Norikot nogi mangaramai om miamung

Polosuan toh ginawo
Polomokon noh tinan nu
Gayaton umandak kouhangan nu
Rapaton do sayau kawawagu
Oho..yeh hehei...
Ompoton iti sinding ku
Sinding do Rock n Roll

Rapat daa kada auh rumapat
Ompoto iti sinding ku
Kanoh tokou miamung
Tadau baino... oh
Logot logoton toh manari
Sayau doh korohian nu
Kada toh tongkiad
Nung auh poh nopupusan

Sumingkalab sunduanku
Olihuan tongob ginawo
Olingan toh ie nakatalib
Soira kotimung auh milo lungkabon
Lumasu ginawo kokito umandak sumayau
Kogogor tundu undu ku
Kokito diya...


Loyuk : Benn S. Bukag Roiton : Molly @ Qollo L

Benn S. Bukag - Koupusan

Kolihis ginawoku
Soira koruba diya
Om koigit ku longon nu
Soira alaid auh kopiruba

Tirak nu di to'omis
Mamayat kalangadan
Soira sopinsodu
Auh asaga ginawoku
Koupusan...

c/o : Pigit igit ku gambar nu
Om ngawi ie surat nu
Ontok hilo ko'id sodu

Om langadon ku kasari
Soira songulunan oku
Mandad kouli ... iya....
Oi koupusan ku .....


Loyuk om Roiton : Benn S. Bukag

Benn S. Bukag - Tulun Taparu

Aiso nodi kosusah
Nakapagon noh gatang doh gatah
Koboli doh korita
Mulong okon ko'id kuta

Mimporih putung gatah
Koboli'd proton saga

Nunu kopogiduon
Nakapagon ngawi ilo kantalan
Ogumu pogonuan
Sumonong nodi ralan
Ogumu toila'an
Sumonong noh sunduan

Oi ondu om oi adi
ie hilo'd sodu kasari
Ula noh nosiliu kuli
Umbal pogi doh muli
Kumaraja sendiri
Tagal noh om karani
Mogot nogi mimporih
Apasi moti kasari
Ulan kontom kotoukeh

Tulun nopo'd aparu
Tagal noh om
Mingongoi hilod sodu
Outong pia tunturu
Nga kaanu beribu ribu
Ribu ribu ta'anu
Kada pinggagayo'd tuluh


Loyuk : Benn S. Bukag Roiton : Simon Bukag

Benn S. Bukag - Piombolutan auh kosiliu piupusan

Tupusku diya nokosuni id ginawo
Auh noila'an kinoulaion
Minungkalad id suang ginawoku
Minongusak doh tua di olumis

Nga auh oku milo'd popolombus
Tupusku diti kumaa diya
Mulong pia da oruhai
Alansanku koilo koh suang ginawoku

c/o : Auh koh nangku kopurimanan
Songkuro tupusku diya
Auh koh nangku milo'd kiginawo miagal doho
Oila'an ku miambalut toh mantad di pogulu..
Piombolutan auh kosiliu piupusan...

Mulong pia yo'iti kinantakan
Auhku tagakon tupusku diya
Alansan oku karati koh tohuri tadau


Layuk : Benn S. Bukag Roiton : Molly @ Qollo L

Noromuk Piupusan by Benn S. Bukag 

Okito ku no turos nu di kosodop
Popokito iso ngingis di au ku karati
Mato nu au tumingkod do momuara
Koruol ti tuhot ku au kosimbar

***

Tungkap di tiondos ku pinoguli nu
Miampai iso boros koruol ginawo ku
Tangon di tolumis notingkod nodi
Koturu ti romou ku au asaga

Chorus :

Nokuro miagal diti au ku nodi karati
Tupus di tinahak ku pinoguli
Porotio ku po da'a nunu sala ku diya
Noromuk piupusan di talawa..
Mhhhh....



Loyuk & Roiton : Benn S. Bukag

Krismas Royohon Tokou by Benn S. Bukag - 

Nokotimung tokou toinsanan
Oinsanan nokorikot
Mamarayou do ngaran Nu
Kotobian Tadau Tagayo Do Krismas
Ounsikou mamantang mamarayou

Iti sinding ku montok toinsanan
Sinding do mamarayou
Ontok tadau do abantug
Sopiampun tokou kada pikaus
Lihuai ngawi kinasalaan toh

Tobpinai ngawi kaino tumindak
Tambalut kaino mampot suminding
Ukabo ginawo tokou
Mongunsikou do minamangun
Tadau Krismas tadau kounsikahan..
Oh.. Oh..

Tadau diti tadau do Krismas
Kaino miangkawot longon
Mogibabas tokou no tiso om tiso
Iti no koubasanan
Koubasanan do tikid toun
Tadau Krismas royohon tokou


Loyuk : Benn S. Bukag
Roiton : Elviena Richard

Simbaro sunduan ku langadon by Benn S. Bukag

Kotingkod kirop mato ku kokito
Nokododog nolohou do tompuan
Poingkakat id dorosku..
Notingkod piah munung ku momoros
Om asaru kibot tundu undu ku
Kokito diya.. hey yeah..

Om gisom diri au ku kotoron
Sikito oku om siruba diya
Popolombus tuhot ginawo..
Ginawo au kosorou do suai
Sorokitonon dilo turos nu
Hoo.. Mhhh....

Chorus : Alansan oku
Hiti ko'd doros ku
Tuong diti
Hey.. Yea.. hey..
Au oku pologos diya
Tu poboros ngawi
Purimonon ku..
Wo.. ho..

Koupusan..
Langadon oku kumaa diya..
Om tupusku..
Aiso no rati nung aiso ko..
Koupusan..
Langadon oku kumaa diya..
Om tupusku..
Aiso no rati nung aiso ko

Om ti lisih popobuhuk doho
Sumonsog ,aganu diya
Simbaro da'a
Sunduan ku langadon .. 2x


Loyuk & Roiton : Benn S. Bukag 

Iya Lansanon ku by Benn S. Bukag 

Soira ko mamanau
Osongulunan oku po di
Ginawo lumunggui
Do kosorou diya
Batos di poingigit
Opurimanan ku'd tumalup
Au oilaan oh rati
Umbalan ku'd mogihum
Hey..

Sisiwo da ti langad
Toririmo poingandad diya
Au ku daa kasaga
Nga monoro ti lisih ku
Situru da ti romou
Nga insasamadan ku'd tirak ku
Kohondom it boros
Om kogulian nu

Chorus : Onuai po da'd simbar
Iti lansanon ku
Songkuro oh girot
Lisih nu doho
Pologoso no da'a
Iti piupusan to
Otilombus no daa sogigisom
Mulong ogumu pogumbalan
Siigit ku'd turos nu
Ontok langadon oku
Sisiwo poda iti tupusku
Iya no da koupusan
Lansanan ku..


Loyuk & Roiton : Benn S. Bukag 

Ginawo ku lumunggui by Benn & Ateng
Ginawo ku lumunggui
Soira kosorou diya
Do baino nokoinsodu ko
Au noilaan soira kogulian nu

Patatapon ku ginawo ku
Do magandad kogulian nu
Miampai diti romou tumuru
Siruba oku oi koupusan..

Oh tongus owiton noh
Iti ngawi koingoritan ku
Poboroso kuma koupusan ku
Kakal oku poingandad diya

Nung oilaan nu ginawo ku
Guli noh doho oi koupusan
Nung haro nangku salah ku diya
Mokiampun oku miampai katangaban..

Oi koupusan kada sindualan
Ginawo ku kakal poingupus diya
Oi koupusan rongoho tihad ku
Aiso nodi romou do tumuru..


Loyuk & Roiton : Narsisius J. Misin