Clare Petrus Edwin

Tweet

Clare Petrus Edwin - Nung Noilaan ku 

Nung noilaanku do momudut koh
au oku ih daa rumolohon dika
boros dino munung nu
oomis irad do gula
onu kah poh lo kilau nga moi tila

Nung noilaan ku do insan tadau
Lumuyud ilo bawang koliangau
au oku daa tumumos
papataan do bangkala
nung oilaan ku orulun kumaa id sawa

baino ginawo kopurimanan do opodi
piginawaan natagak doid tanga ralan
nung noilaan ku kiwaro simpang do ralan
mompus oku id ralan pagalan

nung noilaan ku orualan oku
au ku romiton ino ponsusuau nu
au nodii agampot janji toh misanganu
tumodo noh ambalut baino mamanau oku


Song/lyric by Ambrose Mudi

Id topiumananku by Clare Petrus Edwin

Id topiumananku
izou doid koposizon nu
miagal no do gambal
poinsokot om poinggivis
no doid ginavo nu

saavi-avi diti
okon nodii koponginaman poh
noikot oundosoh zou
ngaavi dinitahak nu
koihadan ku nopo

sundung poh tu id kosinduahan ginavo ku
pinoiak pinohosok ku om inohim ku ngaavi
kinaman ku ih monginsasamod papaampun ngaavi
kinahasaan nu

okon ko pinuavangan
ningkokoton ih pokionuvon ku
piupusan om pilotian gompizon
zou daa diau gisom kapatazon


song/lyric by Petrus Edwin Edin

Nung by Clare Petrus Edwin

Nung do somonu okito nu ih gambar
pointoning koh do songulun
dii omulok koh poh otumbayaan oku
opiguli nu isio do baino
aiso do sala nokuro sindualai nu..

sokiro daa nung pinodula...
milo poh doti silaan gumuli
osorou nu dii daa
gumuli tadau konihab...
soira tupusnu pinoimamang do wokon..

nokuro tu nopinduaan koh
nokuro au nu minaan pomusarahai
ih norulun au noh milo sumulok
maha nung notipu aandad poh do tumolid..

inggaa ih boh sosol monogulu
okon ko puralan atul om omuayan
lasu do tadau au nolungungan
baino noruyut molong kolong o tadau


song : Petrus Edwin Edin
Lyric : Juspinah Loimin Kalaka

Kandaman Piginavaan by Clare Petrus Edwin
Ada kaus ada ponondos
Kivaa pihi ku do suvai
tinomod ku inumaha om hinumangkap diau
tu piginavaan nopo okon ih ko piboian
pasanango no ginavo nu toimoo no isido

Koiho zou do komungkangan ku
Nohodi id kokuangan
songongom no koginavaan kotosku guminavo diau
Au zou kapanahak diau Lati do kounsikaan
Tonudo om tuhuko no
Pihi do mohoing nu

chorus
Koiho zou do nasansagan koh
monoimo sisido ih okon ko pihi nu
otihiu do ginavo ku
Nopidhasa nouta ginavo nu
Pohomio no kinodou dino ginavo nu
Om toimoo no kointahangan diti

Posunizo no koginavaan nu zisido nakaanu diau
kaanu kou daa kounsikaan do touvi tadau
tu au nodii notuhuk hizab di ginavo toh
hozou diti maan do kaandaman vohit piginavaan


song/Lyric : Petrus Edwin Edin