Ateng

Tweet

Konihab by Ateng

Konihab hiti ko id doros ku
Obonung do mambalut doho
Sangal nu id nipi nipi ku
Mi ilang tangon do susuyanku

***

Konihab kakal poh id hondom ku
Olumis ngingis di tokitoku
Momuai ginawo ku'd toluyu
Kolihu rati do koposion

Konihab auh toh nodi kosorou
Nokopitongkiad kito nodi
Nolingan nu dii ngawi batos nu
Kumaa doho koupusan nu..

Konihab sumanganu ko doho
Nga baino nasanganu ko'd suai
Noolu turos nu id ginawo
Gompion ku ie do sogigisom

Chorus ;

Konihab Noolu poh
Alansan oku kosorou ko daa
Songkuro rinuol noiduanan
Id koihadan..

Konihab dii kinorikatan nu
Id sontob do pomusarahanku
Kosorou ngawi dii kinantakan
Nosili kasarahan dii topoit


Loyuk : Ateng 
Roiton : Jovita R. J.

Hahangai Avanus by Ateng

Hahangai dii avanus
Nokito ku
Tuminahib dogo
Dii songkoniab
Miampai di ama dau
Okito ku
Oikum-ikum isido
Mintong dogo

Insan podi kavagu
Notukaan ku
Ie hahangai tavanus
Oh.. oh
Isai bogia ngaran nu
Muhot zou diau
Anangan zou daa
Do mintutun diau

***

Mantad pinitukaan dii
Koompungot iti koposizonku
Situtuka oku daa
Kavagu..

Chorus : Makan nga auh ovizau
Modu auh ozopos
Modop nga ipi-ipizon ku iziau
Situka zou diau
Sikito dino Vuos nu
Posik-posik tanga sodop
Ohibabaan zou
Piait-ait ku ie ngaan nu
Anangan zou diau
Mupus zou kumaa diau...


Loyuk : Baha Tungau 
Roiton : Baha Tungau & Rose Madutin 

Ula-ula by Ateng feat. Mr.J 


Okon ko otogod
Isai maa dii gia tumogod
Kada po'ndo gisom ie do otuangan
Kada no pintatasai dino siopon
Opupusan po'd tinumon om muli noh
Ula-ula no daa.. kaa dii molohing nu

Okon ko otogod
Isai maa dii gia tumogod
Kada po'ndo gisom ie do osuaban
Kada po'd olihuan tanak om sawo
Umbal-umbalai po'd tumingkod do momoduk
Ula-ula no daa.. Kaa dii molohing nu

***

Yoku bo tih kaa nu nung magauk
Numbur 1 kaa nu do moginum
Muli po'ndo nga mokiatod ie tulun
Kunun-kunun naraag do korita
Tau-tau nga nooruan do siopon

Okon ko otogod
Isai maa dii gia tumogod
Kada po'ndo gisom ie do ahadan
Auh ko moti kotunud wayaan do muli
Sumoborong bawang nga orulun ko motii
Ula-ula no daa.. kaa dii molohing nu

Rap : Oi tambalut
Rongoho ti pasonku
Tumboyo'o dikoyu
Kada kokodou tulu
Asaru do kasadu
Gusaon do to'olu
Asaru mongoi boduk
Asaru do ta'auk
Kipusas do palanuk
Rinalatan do manuk

Magauk.. magauk..
Tumoridong sosonduk
Togod nopo molohing
Kada pogihum lihing
Togod nopo molohing
Okon ko monompiling

Popotuduk do ralan
Mongoi koinsanangan
Gompion kolominan
Om kaanu kasanangan
Lisiho no sawo nu
Sorohon tanganak nu
Aiso taanu-anu
No'ontok di logop nu
Mogot muli id walai
Kadii tongo tompinai
Rongoho ti pason ku
Kada kokodou tulu
Siou nopo tompinai
Kada kou kokua'ai
Iti rap pangaramai
Ula-ula tompinai


Loyuk : Ateng
Roiton : Baha Tungau & Simon Bukag (Rap Part) 

Ginawo ku lumunggui by Benn & Ateng
Ginawo ku lumunggui
Soira kosorou diya
Do baino nokoinsodu ko
Au noilaan soira kogulian nu

Patatapon ku ginawo ku
Do magandad kogulian nu
Miampai diti romou tumuru
Siruba oku oi koupusan..

Oh tongus owiton noh
Iti ngawi koingoritan ku
Poboroso kuma koupusan ku
Kakal oku poingandad diya

Nung oilaan nu ginawo ku
Guli noh doho oi koupusan
Nung haro nangku salah ku diya
Mokiampun oku miampai katangaban..

Oi koupusan kada sindualan
Ginawo ku kakal poingupus diya
Oi koupusan rongoho tihad ku
Aiso nodi romou do tumuru..


Loyuk & Roiton : Narsisius J. Misin 

Songkuro Ginirot by Ateng

Iya songulun tondu piandad-andad
Iya noh tondu dii ipi-ipion ku
Iya no koupusan -2x

Baino mamanau ko id pinisikulan
Mogihum kasanangan id koposion
Mamanau ko nodi -2x

Nga mihad ko ontok minamanau
Giroton nu migit tih longon ku
Auh nu pologoson

Kopurimanan langad ku id ginawo
Kasasari oku moginipi diya
Soira sopinsodu -2x

Andadon ku do koulian nu
Miampai tupus ku do sogigisom
Songkuro ginirot..

(solo)

Kopurimanan langad ku id ginawo
Kasasari oku moginipi diya
Soira sopinsodu -2x

Andadon ku do koulion nu
Miampai tupus ku do sogigisom
Songkuro ginirot..

Songkuro ginirot..
Songkuro ginirot..


Loyuk & Roiton : Ateng / Baha Tungau

Kaus Tinongkiadan nu by Ateng

Tupus diti tupus sogigisom
Romou mato auh tumingkod
Iti kaus tinongkiadan nu
Mogot haro momolingos

Sontob tadau andad-andadonku
Hiti ko daa gumuli id doho
Nunu salah ku kumaa diya
Hiti oku kakal po songulun

Norubat no piniupusan toh
Batos ingga nodi guno
Rombituan tulan nogi tawan
Koihad oku do kosorou diya

Sontob tadau andad-andadonku
Hiti ko daa gumuli id doho
Nunu salah ku kumaa diya
Hiti oku kakal po songulun

(Solo ACOUSTIC)

Sontob tadau andad-andadonku
Hiti ko daa gumuli id doho
Nunu salah ku kumaa diya
Hiti oku kakal po songulun

Norubat no piniupusan toh
Batos ingga nodi guno
Rombituan tulan nogi tawan
Koihad oku do kosorou diya
Koihad oku do kosorou diya
Uh..Uh...


Loyuk & Roiton : Ateng / Baha Tungau

Kada oku dika sindualai by Ateng

TuM duM duM duM..Chuap..chuap...

Iya tondu nointutunanku
Nakagayat do ginawo ku
Suminimban minogidu mantad doho
Haro nangku kusai nu do suai

Nokoboros ko id doho
Auh ko tumongkiad doho kaanu
Nga nokuro tu nokosuai ko nodi
Haro nangku kusai nu do suai
Tuh nolingan nu nodi ngawi batos nu

Ohh..yeah..(music)

CHO:
Kada oku dika tongkiadai
Ponitingo pomusarahan nu
Kada poboroso tumongkiad ko
Potondulio kororongodo nu
Kada oku dika sindualai
Gompio no batos ku doid dika
Kada poboroso tumongkiad ko
Okon ko miagal dii nointutunan ku

(solo guitar)

Nga nokuro tu nokosuai ko nodi
Haro no nangku kusai nu do suai

CHO:
Kada oku dika tongkiadai
Ponitingo pomusarahan nu
Kada poboroso tumongkiad ko
Potondulio kororongodo nu
Kada oku dika sindualai
Gompio no batos ku doid dika
Kada poboroso tumongkiad ko
Okon ko miagal dii nointutunan ku

Ohhhhhhh... Yeah..


Loyuk & Roiton : Ateng / Baha Tungau

Iya noh songulun by Ateng

Anawau tulan monitiu ralanku
Porimanan ku tongus dii tosogit
Kosorou oku kumaa koupusanku
Id poinsodu tuminongkiad doho

CHO:
Iya no songulun koupusanku
Baino nokoinsodu
Auh oku olingan piginawaan toh
Iya no songulun

Tadau tumalib auh opurimanan
Poinkakal oku kosorou id diah
Gompion ku om purimanan ku
Ginawo ku guminawo diya

CHO:
Iya no songulun koupusanku
Baino nokoinsodu
Auh oku olingan piginawaan toh
Iya no songulun

(solo guitar)

CHO:
Iya no songulun koupusanku
Baino nokoinsodu
Auh oku olingan piginawaan toh
Iya no songulun

interlude/:

CHO:
Iya no songulun koupusanku
Baino nokoinsodu
Auh oku olingan piginawaan toh
Iya no songulun


Loyuk : Ateng
Roiton : Ateng / Charles Nickolley (Kg.Tambulion KB)

Ontok Tadau do Krismas by Ateng

Uh..huu.Yeah.yea.Naa.uuh.
Na..na..na..na..na..

Timpu tumalib norikot nodi
Tadau dii piandad-andad
Tadau tagayo do tulun tokou
Mamaramai do Krismas
Timpu diti no kopiruruba
Tompinai mantad sodu
Gompion tokou ih koubasanan
Muli tumanud rumamai

2nd verse:
Ih minan ih gaman auh dii kotutun
Haro nogi piinsan wagu
Songuhot-uhot isai ngaran nu
Mitabi mogintutun
Ounsikou ngawi mogititimung
Ontok tadau do Krismas
Mogibababas mogiinsomok
Toinsanan rumamai

Monoluod diti ginawoku
Kumaa'd Minamangun
Munsikou do koruba diolo
Tompinai mantad id sodu

CHO:
Kotobian tadau Krismas
Gompion tokou no koubasanan tokou
Kounsikahan tokou diti
Mooi daa kotilombus daa sogigisom
Na..na..na..na..na..


Loyuk/Roiton : Ateng / Baha Tungau

Langadon yahai diya by Ateng

Iya songulun tondu, Raani do ginawoku
Oi Ama koupusanku
Au ku kolihu diya, lumangad nopo diya
Sangai id tundu'ndu ku
Baino nokoinsodu ko, mantad id koposion
Langadon yahai diya

Songulunan ih Apa, monoguang koposion
Osianan oku daa
Yahai nga auh karati, suang ginawo ih Apa
Romou auh noh koturu
Baino nokoinsodu ko, mantad id koposion
Langadon yahai diya

CHO:
Sosol dahai..do momusorou nataam dahai o kosiwatan
Dii maso nu po'd poimpasi id pomogunan

Koiloh ko toi Ama, solinaid ingga koh no
Romou mato tumuru
Langad kumaa diya, Auh noh milo'd alanan
Gisom do sogigisom
Baino nokoinsodu ko, mantad id koposion
Langadon yahai diya

CHO:
Sosol dahai..do momusorou nataam dahai o kosiwatan
Dii maso nu po'd poimpasi id pomogunan

Lunggui nu'd tosorou ku, sundu id suang mato nu
Auh po nodi tumalub..
Tirakan nu oi Ama, pangkis nu do tumogod
Kaakal po pirongou ku
Baino nokoinsodu koh, mantad id koposion
Langadon yahai diya

Ngingis nu di talawa, pisorou ku oi Ama
Oipi-ipi ku Ama
Kaakal poh id hondom ku, ginaras ginawo nu
Minomogompi doho
Baino nokoinsodu ko, mantad id koposion
Langadon yahai diya

Toinsanan monongodu, muhot-uhot di Ama,
Mogihum dika Ama
Sian dikam oi Ama, tu nokoinsodu ko no,
Hino ko nodi Ama
Sambayanganku Ama, sumonong-sonong ko daa
Miampai do Minamangun
Langad ku diti Ama, langad ku di pointopot
Langad ku di tosundu

Baino nokoinsodu ko, mantad id pomogunan
Langadon yahai diya, langadon yahai diya
Langadon yahai diya, langadon yahai diya
Nokoinsodu ih Ama, nokoinsodu ih Ama
Nokoinsodu ih Ama.

Loyuk : Ateng
Roiton : Ateng/Jovita Robert Johnny

Au ku kaanu by Ateng

Au ku kaanu do lumihu kumaa dika
Au ku koodop do kosorou dika

Sorokitonon ku ngingis nu
Id timbaba do mato ku
Opurimanan ku nopo
Do hiti ko id toningku

Auh ku kaanu sumanganu do tinan nu
Auh ku kaanu minonuhuk dii batos nu

Tuh haro nodi sanganu nu
Dii koupusan wagu nu
Oruol no daa o ginawo
Nga au no milo'd kukuroyon

Auh ku kaanu sumanganu do tinan nu
Auh ku kaanu minonuhuk dii batos nu

Tuh haro nodi sanganu nu
Dii koupusan wagu nu
Oruol no daa o ginawo
Nga au no milo'd kukuroyon

Sorokitonon ku ngingis nu
Id timbaba do mato ku
Opurimanan ku nopo
Do hiti ko id toningku

Auh ku kaanu sumanganu do tinan nu
Auh ku kaanu minonuhuk dii batos nu
Minonuhuk dii batos nu
Minonuhuk dii batos nu


Song/Lyric : Philip Diasun

Norubat Piginawaan by Ateng

Sorou ku dika pogulu
Songulun tondu tosuau
Sopi upus-upus kito, miagal auh no kopitongkiad
Norubat piginawaan, auh di nokopitilombus
Oruol opurimanan soira do minogidu ko

Chorus:
Nung karati ko daa
Sontob kinoingoritan ku
Ogumu poh dii auh milo do okito
Onu sala ku diah
Nokuro auh ko gumuli
Hinonggo ko nodi baino oi koupusan

Kakal poh do poinsulung
Iti sinsing do batos toh
Kakal oku po'd kohondom
Sontob piniupusan toh
Songkuro tupus ku dika
Baino suab sogigisom
Gompion ku iya kasari id ginawoku

Chorus:
Nung karati ko daa....

(music) - repeat chorus:

Kakal poh do poinsulung
Iti sinsing do batos toh
Kakal oku po'd kohondom
Sontob piniupusan toh
Songkuro tupus ku dika
Baino suab sogigisom
Gompion ku iya kasari id ginawoku
Gompion ku iya kasari id ginawoku


Loyuk & Roiton : Ateng / Baha Tungau