Wakid di tama mongoi tunduk

Tweet

(i tama hilo dapan gorija sib kundasang(01/2010)

Naawi do sambayang di hari minggu hilo SIB Kundasang. Suminakai oku om i tama bas do minuli walai. Korikot hilo walai, nopo nga i tosorou ku nopo tigulu mangan di tama nopo nga mogingat yau. Yoho nopo nondo nga mongoi pomoli do "migi" hilo kadai di Tindulun, om haro no gia i kadai di tabangku "Hendry's mini market".

("om and bro" (25/12/09.dongkogulian krismas hilo sib kundasang)

Kadang- kadang do mogonsok i tama. Muhot nondo i tama doho kasari."Ison, pukul nu noo rii?". Iri nopo nga mongoi noi i tama tunduk hilo siba. Igitan nondo dau i wakid dau om karung dau. Yoho nopo nga amu i kasari mongoi tanud dau. Kadang- kadang no do mongoi pagangkat di tunduk di tama. Mangan do pojualon hilo Ranau toi ko Tamparuli.

Amu osonong do maanganu tunduk.kadang- kadang mongoi nopo i tama pongotu tunduk nga osodopon no yau. Kouli nopo nondo nga apanat tomod yau tokito ku. I tunduk nopo di nga borisian om kagasan po sobolum do pojualan dau.

(id tama mowongkos do tunduk gisom pukul 2)

Songkogos nopo nga lobi kurang do soringgit. Nga momorosi om mongogos no lo tunduk nopo nga kadang-kadang gisom i tama do pukul 2-3 kosuabon.

Amu tokou oilaan nga, osusa moti oh molohing diolo di laid do mogihum koposion hiti pomogunan diti. Amu oku koilo kopio sorita hilo Kampung Kiau, Kota belud ko hinonggo nopo nga mimang do osusa tomod koposion diolo di topurimananku. Tanganak baino, haro nopo palajaran nga amu ii awagatan di barait om wakid di molohing di dongulu-gulu.

"haro tulun tosusa halo tulun tosonong.nga id Tuhan kasari manjaga diolo"

"貧乏やお金持ちにも神様が守ってくれる”